| 今年無得同屋企人仲有好多好好既朋友慶祝
其實有d唔開心
但我好興幸有人陪我 =]
因為呀gu同陳海奔由美國來左探我
22/11/2007
勁耐無見過呀gu
由佢去左美國開始就少左聯絡
但今次一見番佢
我地又熟番 真開心
佢同佢男朋友francis就車左我同陳海奔周圍去啦 哈哈
有車真好 勁方便 出面落雪都可以周圍去
(所以我打算學車 然後快d買車 keke 有無人想坐我車？)
我地去左yorkdale啦 vaughan mills啦 仲有walmart
我地仲食左好好食既houston ribs and grills
多謝佢地請我食果餐 好好食 哈哈
francis勁好笑 成日學我d表情動作
本來o岩o岩識佢 佢勁cool勁串樣呢
但原來都幾白癡 哈哈
最後佢同陳海奔勁好傾
無視哂我同gu -_-"
其實我本來想影多d相架
但一見到francis個勁野相機
完全快快手收埋果d
所以d相仲係呀gu到 後來當佢地車到我番屋企果時
知道francis係maths勁人
又係學校d gpa4.0勁野
就把握機會問佢數學啦 哈哈
有高人指點係唔同d啦
但唔知點解我熄左電話啦
又無帶錶
我既12點生日就係我最憎既數學中渡過-_-"
然後我既朋友又打唔到比我同我講生日快樂-_-"
尤其係激死左oakley
佢好似話由11點就打來到12點都打唔到
哈哈 對唔住
23/11/2007
今日超期待
我同陳海奔去左食韓燒做午餐
然後我地去左royal ontario musuem
去睇下歷史文物呀咁
好好玩 哈哈
又大又靚
哈哈 一定無奈死大家
我生日去博物館 哈哈
好得意既印第安人鞋一對
後來我地夜晚去左食seafood呀!!!!!!!!!
無錯 係SEAFOOD
因為多倫多無海既關係
我去超級市場買菜都係見到死魚
對於無魚不歡 又勁耐無食海鮮既我
食海鮮係最大既生日禮物
我地食左好新鮮既壕
有龍蝦 青口 蝦 alaska長腳蟹
好好食 x 10000000000000000
但好鬼貴 成$185 (hkd $1480)
其實有d內咎架埋單果時 因為係陳海奔請
但食果時完全無考慮過價錢問題 好evil呀我
到我夜晚番到屋企 就收到winnie denden jam寄比我的包裹
我初初見到ma on shan 仲以為係家姐咁好死寄生日禮物比我
但後來見到"winnie lau"
我既眼淚就不自覺咁流落來
我就攬住好無奈既陳海奔大喊啦
我仲一路讀佢地寄比我既"信" 一路再喊更大
超級感動
佢地仲好關心我同錫我
我之前仲係到想
我走左 就無同佢地咁frd了
但原來無呀
哈哈 我依然係第四朵小花
(雖然好似話仲有八小花) -_-"
我會日日用條頸巾同好錫豆豆
即刻用條頸巾 哈哈
今年生日好在仲有你地
唔係我都唔知點
會一個人孤伶伶 多謝 =]
馮小may |
| |
| 自己一個在外面生活真不容易呀
要學習獨立
以為自己可以做得到
但真的很難
離開朋友離開家人離開香港
一個的時候 真的會覺得寂寞
所以在家的時候都總會把音樂開著
這樣會比較熱鬧吧
我一向都以為自己很容易結交到好朋友的
尤其是香港的 因為大家都離鄉別井嘛
在女拔 莊啟程 理大 大家都很疼我(至少我認為)
我跟朋友一起的時候 我都會瘋狂的笑
每張相都影得很白黐
在這裡 都沒有人約我出去
沒有人跟我一起大笑
我都笑少了
收到媽媽給我的行李包 很開心
但一個人拿不到 很重呢
本來想拜托一個朋友幫我車到家裡
(因為他之前還說有什麼事情可以拜託他)
只是五分鐘車程
但他竟說要我找的士
我辛苦的把行李搬到大街去截的士的時候 真的想喊
我的手都又紅又腫又瘀了
想起上年我剛買完電腦的時候
我跟呀橙還不太熟 但他都幫我把電腦拿到火車站
真好
不過 收到媽媽的行李倒是很感動
有爸媽的愛心在裡面
怕我吃不飽穿不暖
有很多零食跟衣服呢 
快點五月吧 回到他們身邊
哈哈 人生不是真的那麼灰暗啦
還是有人關心我啦
還好deven, cissy跟angela都對我很好
他們都很擔心我
他們算是我在這裡最好的朋友吧
不過一個是福建人, 一個是北京人, 一個是台灣人
好像中國的朋友對我比香港的好
可能我回家的時候 國語進步得比英文多
哈哈
|
| |
| 我呀琴日好夜訓
因為要同tina傾八野
哈哈 女人呀嘛 係八咖啦
仲要咁耐無見
d八野積積埋埋成坐山咁高
咁就難免會傾到半夜三間啦
上完con tech我超眼訓
老jam話我個樣好無神
ohhh
我正在放棄自己了
哈哈
中七果時我同自己講
上到大學我會好好整靚自己
所以我中七果時
飛頭散髮咁番學 痴線婆咁呢
今時今日
我又過番果d日子了
今朝連頭都唔想梳啦 哈哈
而且我去到library開房pa係到打橫訓
頭髮凌亂
然後d凳又好硬 見到d地毯好似好舒服
我有一刻想訓係上面
死啦
我墜落啦 我就來做乞兒啦
p.s.
老win個頭好可愛
老den靚頭
黃chris明唔知佢染左頭髮 因為佢太高睇唔到
但三個個頭都抵到爛
 |
| |
| 琴晚訓唔著啦
因為我無空氣 就來熱死
我終於忍唔住去左廳訓
哇 辛苦到呀
係家姐屋企就係咁咖啦
下午番到屋企就黐住我親愛的床
唔到食晚飯都唔起身呀
好好好幸福 =]
我既床係最最最舒服的
10:25am放學 去左黃chris明&草既hall
本來應該去唱k咖嘛
果d草囉 遲起身
全村人等佢
等佢期間
佢間房d衫被人整跌哂落地喎 =]
(唔知被邊個整呢 疑兇有我 老win 老den 老jam 黃chris明 )
因為要發泄d不滿 
之後佢個香蕉公仔亦難逃一劫 
先後被人打暈同被迫吊頸
hall內情況一度陷入混亂狀態
我有相證明我係好驚的 哈哈
後來我同呀草去左hall個k房唱k
係白白痴痴咁好好笑
如果有錄音會好開心
聽日有k唱啦啦啦 開心
好耐無唱k啦
post番之前同d狗影既相先- 做狗醫生義工
人見人愛的金毛 佢笑呀 horhor
我很喜愛的邊境牧羊犬
佢好乖咖 成日望住佢媽咪
我呢張相咁成功都係因為佢媽咪企係相機面前
含羞樣 佢怕醜掛有相機影佢 |
| |
| 今日我本來要去狗展的
應承左bobby去做義工
但因為今日我爹娘想我陪佢地食飯
咁我又都想同佢地過家庭日
選啦 狗仔byebye啦
之後去左幫stephanie補習
佢好得意
下次話會同我影相呢
佢仲摸我個頭囉計數果時 哈哈
夜晚去左太古城睇"死亡筆記"
好好睇呀
我無睇第一集
但睇過漫畫
所以都ok
L係超超超超得意可愛
真係無可能唔鐘意佢咖喎
佢yeah果時同食野都超得意
鐘意左佢添
yeah 今晚走果時買左mrs. fields
半價乍 抵到爛
|
| |
